د بدخشان ولايت د پنځو سرحدي ولسواليو د مشرانو او مسؤلینو ستونزې واورېدل شوې!
د سرحدونو او قبایلو چارو وزیر ښاغلي محب الله صميم بدخشان ولايت ته د خپل رسمي سفر په ترڅ کې نن مازديګر د يادو ولسواليو له مسؤلينو سره وکتل.
د کتنې په پيل کې نقیب الله قاضي زاده د راغلو مشرانو او ځوانانو په استازیتوب په بېلابېلو امنيتي او ټولنيزو برخو کې ددغه ولایت د پنځه ګونو سرحدي ولسواليو ستونزې د حل په موخه شريکې کړي.
ورپسې ښاغلي صميم دياد ولايت سرحدي ولسوالۍ مهمې وبللې وې ويل: بدخشان ولايت ته زما د سفر اساسي موخه د خلکو د ستونزو او غوښتنو اورېدل دي، موږ ژمن يو، چې ستونزې او غوښتنې به مو تر جلالتماب ولسمشر او کابينې پورې ورسوو.
ښاغلي صميم له دوې څخه غوښتنه وکړه، چې د جمهوري نظام او ملي امنيتي ځواکونو څخه خپل ملاتړ ته دوام ورکړي.
