د ازادې سیالۍ له لارې د ازموینې اخیستل!
د سرحدونو او قبایلو چارو وزارت د سرحدي او قبایلي معلوماتو د انسجام پروژې (BTMIS)دوه بستونو ته، چې د څارنې او ارزونې د افسر او د تحقیق او معلوماتو د افسر بستونه دي نن پنجشنبه د ۱۳۹۹ لمریز کال د کب میاشتې پر ۱۴ مه نېټه د ۶۵ تنو نوماندانو پر ګډون ازموینه واخیستل شوه.
د دې سیالۍ له بهیر څخه د وزارت د سرحدي څېړنو معین ښاغلي ډاکټر محمد آصف قاضي زاده، د معلوماتو د انسجام پروژې مسؤل، د بشري زیرمو او پلان او پالیسۍ ریاست کارکوونکو څارنه کوله.
ښاغلي قاضي زاده د ازموینې څخه د څارنې پر مهال ټینګار وکړ، چې د ازموینې بهیر باید شفاف وي، ترڅو وړتیا لرونکې نوماندان وکولای شي نوموړو بستونو ته لار ومومي او خپلو هېوادوالو ته د خدمت جوګه شي.
