د اداري چارو او پروسو د ساده کولو په موخه ناسته ترسره شوه
سه شنبه ۶ صفر المظفر۱۴۴۸
د سرحدونو، قومونو او قبايلو چارو وزارت د يو شمير رياستونو له رئيسانو سره د اداري چارو او پروسو د ساده کولو په موخه نن ترغرمې مخکې د ياد وزارت د مسلکې معين الحاج مولوي احمد طه قادري په مشري د جوړې شوې کميټې ناسته ترسره شوه.
په دغه ناسته کې د اداري کارونو په اسانتياوو، لارښوونو او لاسته راوړنو بحثونه وشول ستونزې شريکې شوې او په حل لارو يې لازمي مشوري ورکړل شوي، چې د ګډونوالو له لوري د کارونو پر وخت او مظمو تر سره کولو کې مهمې وبلل شوې.
په پای کې ښاغلي قادري د وزارت يو شمير رياستونو مسؤلينو ته دنده وسپارله چې د خپلو اړوندو ادارو ستونزې مشخصې کړي او په ليست وار شکل دې معلومات د قدمونو د سلسله مراتبو په چوکاټ کې يادې کميټې ته وسپاري ترڅو د اداري چارو د ساده کولو په پروسه کې ترې کار واخېستل شي.
