په ملي یووالي ټینګار!
د سرحدونو او قبایلو چارو وزیر ښاغلي محب الله صمیم نن له غرمې مخکې د پکتیکا او فاریاب ولایتونو له یو شمېر قومي مشرانو، مخورو او ځوانانو سره د وزارت د کنفراسونو په تالار کې وکتل.
ښاغلي محب الله صمیم په دې کتنه کې د شخړو په حل او د قومونو په یووالي او نږدې والي کې د قومي مشرانو رول ارزښتناک وباله وې ویل: چې په دې برخه کې به انشالله یو د بل په مرسته ګډ کارکوو او خپلې سلا مشورې او نظرونه به سره شریکوو، له تاسو قومي مشرانو څخه مو غوښتنه داده، چې په هېواد کې د تلپاتې او باعزته سولې د ټینګښت لپاره، چې په هغې کې د خلکو حقوق او ارزښتونه خوندي وي غږ اوچت کړئ او د خپل موجوده نظام ملاتړ ته ولسونه وهڅوئ .
دغه راز ښاغلي صمیم په ملي یووالي او د قومي مشرانو او مخورو سره په سلامشور ټینګار وکړ.
ورپسې قومي مشرانو، مخورو او ځوانانو هم د ملي یووالي او سولې د ټینګښت په برخه کې د هڅو ژمنه وکړه د سولې له روان بهیر څخه یې ملاتړ څرګند او په هېواد کې یې د تلپاتې اوربند غوښتنه وکړه.
دوی دغه راز د سولې، نظام د پایښت او د تلپاتې اوربند ټینګښت په برخه کې د سرحدونو او قبایلو چارو وزارت د مشرتابه هڅې وستایلې او له وزارت سره یې د خپلو همکاریو ډاډ ورکړ.
