د وزارت اړوند خوشال بابا لېسې څخه لیدنه!
د سرحدونو او قبایلو چارو وزارت مسلکي مرستیال ښاغلي ډاکټر فریدون بارکزي د روان لمریز کال د تلې میاشتې په 27 مه نېټه د خوشال خان لېسې له تدریسي اواداري چارو څخه لیدنه وکړه.
په دې لیدنه کې، چې د وزارت د جرګو او قبايلي چارو د همغږى معين ښاغلى محمد يعقوب احمدزى ، مالي او اداري معين ښاغلي شجاع الملک جلاله، د د اخلي تفتيش ريس ښاغلى نثار احمد ذهيب احمدي، د ښوونې او روزنې رياست وارسي کوونکى، ښاغلى جمال الدين زاهد، د معلوماتو د انسجام پروژې سلاکار ښاغلي حمیدالله بارکزي او د رحمان بابا د لېسې امر ښاغلي معصومي یې ملتیا کوله، مسلکي معین ښاغلي ډاکټر فریدون بارکزي د یادې لېسې د تدریسي او اداري چارو، لیلیو خونو، پخلنځي او نورو بېلابېلو برخو څخه د لیدنې په ترڅ کې وویل: دا د خوښۍ ځاى دى، چې په يادو لېسو کې د وزارت اصلاحي پروګرامونه د تطبيق په حال کې دي، موږ د وزارت او لېسو له مسوولينو څخه غوښتنه کوو، چې د وزارت اړوندو لېسو ته دې پر وخت او غوره خدمتونه وړاندې شي، او د قانون ماتونکو سره به د پیداګوژی د شورا د پریکړو په اساس جدی قانونی چلند کیږی ترڅو د ناامنو سیمو ځوانانو ته د زده کړې ښه فضا رامنځته کړو .
دغه راز د جرګو او قبايلي چارو د همغږى معين ښاغلي احمدزي او مالي او اداري معين ښاغلي جلاله هم په خپلو خبرو کې زده کوونکي خپلو زده کړو ته متوجه کړل وى ويل د زده کوونکو د خوړو او زده کړې کیفیت ته دې د تل په څېر پاملرنه وشي او په دې برخه کې دې اړوند ریاستونه خپل مسؤلیتونه په سمه توګه ترسره کړي.
