موږ ته هېواد او ملي ګټې ستر لومړیتوب دی!
همدې اصل ته په کتو مې هڅه دا ده، چې په هېواد کې د قومي مشرانو او دیني عالمانو په مرسته ملي یووالی غښتلی کړم، د قومونو منځ ته ورشم او تر منځ یې ستونزې تحلیل او ورته د حل لارې چارې پیدا کړم، چې په دې تړاو مې د هېواد بېلابېلو ولایتونو ته سفرونه کړي او دا لړۍ مو لا هم دوام لري.
دغه راز د هېواد سرحدونو ته د نږدې مېشتو درنو قومونو د اړتیاوو تشخیص او د هغوی د ستونزو حل مو لومړیتوب دی، چې په دې تړاو مې له قومي مشرانو سره ناستې او کتنې دوام لري.
همدارنګه د قومي سیمه ییزو، د دولت او خلکو تر منځ هڅه کوم چې اړیکې لا پیاوړې کړم او واټن تر ډېره بریده را کم کړو، چې په دې تړاو مو په ولایتونو کې لویې جرګې جوړې کړي او لا هم هڅه کوو تر څو لویې جرګې جوړې او پر اساس یې د ولس او حکومت تر منځ واټن را لنډ کړو او ټول د نظام او جمهوریت د ملاتړ لپاره په یو واحد صف کې د جمهوریت تر پراخ چتر لاندې سره منسجم کړو.
محب الله صمیم
د سرحدونو او قبایلو چارو وزیر
