د (سرتيري) په نامه د نېکمرغه لوی اختر د رارسېدو په مناسبت د سرحدونو او قبایلو چارو وزارت د مبارکۍ پیغام!
تر هر څه نه مخکې خپل درانه مسلمان، متدین، پخپل هېواد او خپلو ملي ارزښتونو مین ولس، درنو مشرانو او کشرانو، د نړۍ ټولو مسلمانانو او دغه راز د هېواد زړه ورو ملي امنیتي ـ دفاعي ځواکونو ته، چې له هېواد څخه د دفاع او ساتنې په لارکې له هېڅ راز قربانیو او ځان تېرېدنې څخه ډډه نه کوي، د نېکمرغه لوی اختر مبارکي وایم . اختر مو مو نیکمرغه او بختور شه، قربانۍ، طاعتونه او عبادتونه مو الله ج په خپل سپېڅلي دربار کې قبول او منظور کړه. درنو هېواد والو! له بده مرغه، چې د اختر په دې بختورو شپو او ورځو کې جګړې زور اخیستی او زموږ ګڼ شمېر هېوادوال له ځاني اومالي زیانونو سره سره له خپلو مېنو بې ځایه شوې دي او له ډول ډول ستونزو سره لاس اوګریوان دي، چې د دا ډول هېواد والو لاسنیوی، مرسته او ورسره همکاري پر موږ ټولو لازمي او ضروري ده، باید پر وړاندې يې خپل مسولیت تر سره کړو. له دې امله چې زموږ د ژوند شېبې په خوښۍ بدلې شي او له شته ناخوالو بریالي راووځو، باید متحد او یوموټی شو او په خپل هېواد کې په یووالي د تلپاتې سولې، امن اوثبات د ټينګښت لپاره ګډې هلې ځلې وکړو. محب الله صميم د سرحدونو او قبایلو چارو وزير
