د هېواد د بېلابېلو قومي مشرانو، مخورو او ځوانانو ستونزې واورېدل شوې!
د سرحدونو او قبایلو چارو وزیر ښاغلي محب الله صمیم نن غرمه په خپل کاري دفتر کې د هېواد له بېلابېلو قومي مشرانو، مخورو او ځوانانو سره وکتل او هغوې ستونزې یې د حل په موخه واورېدې.
په دې کتنه کې نوموړو د سولې او ملي یووالي په ټینګښت کې د سرحدونو او قبایلو چارو وزارت د مشرتابه د هلو ځلو د ستایلو په ترڅ کې خپلې یو لړ سیمه ایزې ستونزې د حل په موخه له ښاغلي صمیم سره شریکې کړې او د حل غوښتنه یې وکړه.
ورپسې ښاغلي صمیم د سولې او ملي یووالي په ټینګښت کې د قومي مشرانو، مخورو او ځوانانو رول مهم وباله او په دې برخه کې یې په ګډو هلو ځلو ټینګار وکړ.
