د تخار ولایت ولسونو د سرتاسري شورا له مرستیال سره کتنه!
د سرحدونو او قبایلو چارو وزیر ښاغلي محب الله صمیم نن له غرمې مخکې په خپل کاري دفتر کې د تخار ولسونو د سرتاسري شورا له مرستیال عبدالرحمن منګل سره وکتل.
په دې کتنه کې نوموړي د تخار ولسونو په استازیتوب یو لړ ستونزې او وړاندیزونه د وزارت له مشرتابه سره شریک کړل، دغه راز یې د حکومت له ملي برنامو او نظام څخه د ملاتړ ډاډ څرګند کړ.
ورپسې ښاغلي صمیم خبرې وکړې وې ویل: د تخار ولسونو تل له نظام او ملي ګټو څخه ملاتړ کړی، چې موږ مو قدرداني کوو، دغه راز یې ډاډ ورکړ چې ستونزې به د حل په موخه له اړوندو ادارو سره شریکې کړو.
