په کندهار کې د سرحدونو او قبايلو چارو د محترم وزير د مور بي بي فاتحه واخېستل شوه!
د فاتحې په دغو مراسمو کې، چې نن دوشنبې د سرحدونو او قبايلو چارو د وزير محترم محمد شفيق ګل آغا شېرزي د مور بي بي پاک روح ته د دعا په خاطر د کندهار دويمې ناحيې اړوند د حاجي عبدالله اکا په جامع جومات کې پرځاى شوي و، د کندهار والي حیاتالله حیات، د ملي شورا د دواړو مجلسونو محترمو غړو، د ولایتي شورا غړو ، لوړ پوړو دولتي چارواکو، ملکي او پوځي منسوبينو، د جنوب لوېدېځې حوزې ولسواليو ولسوالانو، قومي مشرانو، مخورو، ټولنيزو فعالانو، ځوانانو او په سلګونو تنو هېوادوالو برخه واخيسته.
په دغو مراسمو کې ټولو ګډونوالو د سرحدونو او قبايلو چارو محترم وزير، درنې کورنۍ غړو، خپلوانو او دوستانو ته د خپل ژور خپګان او ډاډ ګېرنې مراتب وړاندې کړل.
د فاتحې ګډونوالو همداراز د لوې خداى ج له سپېڅلي دربار څخه مرحومې ته د فردوس جنت او پاتې کسانو ته يې د جميل صبر او عظيم اجر هيله وکړه.
په مقابل کې د سرحدونو او قبايلو چارو محترم وزير او د کورنۍ غړو يې د دغو خلکو له راتګ، غمشريکۍ او ډاډګېرنې څخه مننه وکړه.
