په ننګرهار کې ۹ کلنه بدي پای ته ورسېده
د ننګرهار ولایت مومنددرې ولسوالۍ د باسوال په سیمه کې د دوو کورنیو تر منځ پېښه شوې بدي چې (۹) کاله یې دوام کړی و، تېره ورځ د یاد ولایت د سرحدونو، قومونو او قبایلو چارو رئیس قاري رحمت الله غازي عمر، د ولسوالۍ مسؤلینو او سیمه ییزو قومي مشرانو په منځګړیتوب او هڅو په دوستي بدله شوه. د دغې بدي د حل په مراسمو کې سیمه ییزو مشرانو، دیني عالمانو او مسؤلینو د موضوع په هکله هر اړخیزې ویناوې وکړې او خلک یې دصلحې او امن ژوند ته وهڅول. په وروستیو کې د مرکچي پلاوي له لوري ټاکل شوې پرېکړه ولوستل شوه چې دواړو لوریو یې منلو ته غاړه کېښوده او یو بل ته یې د ورورګلوۍ غېږه ورکړه.
