په بادغیس ولایت کې د دوو کورنیو تر منځ شخړه حل شوه
۱۰/۹/۱۴۴۵
د بادغیس ولایت سنګ آتش ولسوالۍ د کلالي سیمې د دوو کورنیو تر منځ دوه میاشتې مخکې را منځ ته شوې شخړه چې د یاد ولایت د محکمې له لوري د سرحدونو، قومونو او قبایلو چارو ریاست ته سپارل شوې وه، د یاد ریاست د مسؤلینو، دیني عالمانو او قومي مشرانو په منځګړیتوب د یوې ناستې په ترڅ کې حل شوه.
د ناستې په پیل کې د یاد ریاست رئیس مولوي محمد قاسم ضمیر د قومونو ترمنځ د اختلافاتو حل کول خپله وجیبه وبلله، په یاده قضیه کې ښکېل لوري یې اتحاد او یووالي ته راوبلل، زیاته یې کړه چې د اسلامي امارت مسؤلین د خلکو تر منځ د ورورولۍ فضاء حاکمولو ته ژمن دي.
په پای کې د شخړې ښکېلو لوریو د سرحدونو، قومونو او قبایلو چارو ریاست او قومي مشرانو له هڅو قدردانی وکړ او ژمنه یې وکړه چې یوله بل سره به د وروڼو په څېر ژوند کوي.
