په بادغیس ولایت کې ۳۰ کلنه دښمني پای ته ورسېده
پنجشنبه، د ۱۴۴۶ کال د ذوالقعدې ۱۰مه
د بادغیس ولایت مرکز قلعه نو ښار په سیمه کې د ساداتو او سرخابي قومونو ترمنځ هغه دښمني چې شاوخوا ۳۰ کاله وړاندې پیل شوې وه.د یاد ولایت د سرحدونو، قومونو او قبایلو چارو ریاست د مسولینو، د شخړو د حل شورا غړو، او د سیمې د قومي مشرانو په هڅو او منځګړیتوب سره پای ته ورسېده.د یادو مسؤلینو او قومي مشرانو د څو ورځو هڅو او تفاهم وروسته، ښکېل اړخونه دې ته راضي شول چې پخوانۍ ستونزې شاته پرېږدي او په خپل منځ کې د ورورولۍ فضا رامنځته کړي.په همدې موخه دواړو لوریو په بشپړ رضایت سره هوکړه وکړه چې له دې وروسته به نه یوازې له شخړو او دعوو ډډه وکړي، بلکې د تلپاتې سولې، یووالي او تفاهم فضا به په خپلو کې پیاوړې وساتي او د سوله ییز ژوند لور ته به ثابت قدم شي.د سیمي اوسیدونکو د دواړو قومونو دا پرېکړه وستایله او ژمنه یې وکړه چې د اسلامي امارت له مسؤلینو سره، چې د دوی هر ډول ستونزو ته حل لارې لټوي همکاري وکړي او په ټولو برخو کې به ترې خپل ملاتړ جاري وساتي
