په پکتیکا کې د دوو کورنیو تر منځ پېښه شوې شخړه په دوستي بدله شوه
د پکتیکا ولایت د سرحدونو، قومونو او قبایلو چارو ریاست، دیني عالمانو او قومي مخورو پر مټ د یاد ولایت د مرکز ښرنې اړوند په نوې ښرنه کلي کې د دوو کورنیو ترمنځ پېښه شوې بدي چې په پایله کې یې یوه مېرمن هم وژل شوې وه، حل او په دوستي بدله شوه. د بدي د حل په غونډه کې دیني عالمانو، قومي مشرانو او مسؤلینو د اسلام د مبارک دین پر بناء د بښنې فضیلتونه واضح کړل، د عفوې په ښېګڼو یې خبرې وکړې او دواړه لوري یې صلحې ته راوبلل، چې په وروستیو کې د شخړې دواړه خواوې سولې ته راضي شوې او یو بل ته یې د ورورۍ غېږه ورکړه.
