د ننګرهارولایت خوږیاڼو ولسوالۍ له یو شمېر قومي مشرانو سره کتنه
سه شنبه ١٤د شعبان المعظم١٤٤٤
د سرحدونو، قومونو او قبایلو چارو وزارت د جرګو او قبایلي چارو دهمغږۍ معین ښاغلي الحاج ملا عبدالخالق عابد د ننګرهار ولایت خوږیاڼو ولسوالۍ له یو شمېر قومي مشرانو سره په خپل کاري دفتر کې وکتل.
په دغه لیدنه کې راغلیو قومي مشرانو په یاده سیمه کې د ملکانو پر سر د اختلاف او ځینو نورو سیمه ییزو ستونزو د حل یادونه وکړه او د وزارت له چارواکو څخه د همکاري او پاملرنې غوښتنه وکړه.
ورپسې د یاد وزارت د جرگو او قبايلي چارو د همغږۍ معين الحاج ملا عبدالخالق عابد له يادو قومي مشرانو سره په خپلو خبرو کې وويل: اوږدې جگړې ډيرې ستونزې پر ځاى پرېښي دي، د افغانستان اسلامي امارت ټولې ادارې به له ولس سره په ګډه همکارۍ وکولای شي چې ټولو ستونزو ته حل لارې پيدا کړي.
