د سرحدونو او قبایلو چارو سرپرست او نوماند وزیر ښاغلي محب الله صمیم د خپلو لېدنو کتنو په دوام
نن یکشنبې د روان لمریز کال د تلې میاشتې پر ۲۰ مه نېټه له ولایتونو سره د اړیکو ریاست له سرپرست ښاغلي آصف اصیل زي او د وزارت د دویمو واحدونو هرات، هلمند، فراه، نیمروز، زابل، کندهار، ارزګان او غور ولایتونو له رئيسانو او آمرینو ښاغلي صفي الله تیموري، نوید احمد نظري، محمد اکبر عمر، محمد طاهر بارک، احسان الله فاتر، حاجي نعمت الله سرحدي الحاج عبدالرازق عابد او محمد موسی فدایي سره د خپل کار په دفتر کې وکتل.
په دې کتنه کې راغلو مسؤلینو د خپلو کاري کړنو او فعالیتونو په اړه معلومات وړاندې کړل او یو لړ ستونزې او غوښتنې يې د حل په موخه له ښاغلي محب الله صمیم سره شریکې کړې.
همدا راز ښاغلي محب الله صمیم د خپلو خبرو په ترڅ کې د دوی د هڅو ستاینه وکړه او د چارو د بهبود لپاره یې لازمې لارښوونې وکړې.
