ارزګان کې د مسؤلينو له لوري د دوو قومونو ترمنځ ۱۶ کلنه بدي په دوستي بدله شوه
شنبه ۱۵ ربیعالأول ۱۴۴۸
د ارزګان ولايت خاص ارزګان ولسوالي په باغچر سيمه کې د دوو قومونو ترمنځ د ځمکې د ملکيت پر سر راپورته شوي ۱۶ کلنه بدي، چې د مرګ ژوبلې ترڅنګ يې ګڼ اختلافات او بدبينۍ رامنځته کړې وې د ياد ولايت د سرحدونو، قومونو او قبايلو چارو آمریت د مسؤلينو، ديني عالمانو او قومي مشرانو لخوا حل او فصل شوه.
په دغه رامنځته شوې بدي کې د دواړو خواوو د ادعاوو په اساس، شاوخوا شپاړل تنه وژل شوي او دوه تنه نور ټپيان شوي وو، چې له امله يې ترمنځ سختې ناخوالي موجودې وې او وخت ناوخت يې د مرګونو نښتو احتمال پيدا کېده.
د اسلامي امارت مسؤلينو د يادې روغې جوړې په موخه څو ځله د ښکېلو کورنيو له مشرانو سره ناستې ترسره کړې، هغوی يې سولې ته وهڅول او د يوې شرعي فيصلې په کولو سره يې د هغوی موجوده جنجالونه هوار او همداراز يې حق حقدار ته ورساوه
