د ټاکنو د خپلواک کمېسیون له لورې د ولسمشریزو ټاکنو د وروستۍ پرېکړۍ او د سولې ملي پروسې څخه د ملاتړ غونډه!
د فراه ولایت د سرحدونو او قبایلو چارو ریاست له لورې نن شنبې د روان لمریز کال د کب میاشتې پر ۳ مه نېټه د ټاکنو د خپلواک کمېسیون له لورې د ولسمشریزو ټاکنو د وروستۍ پریکړې او د سولې ملي پروسې څخه د ملاتړ ترعنوان لاندې غونډه جوړه شوه، چې په کې د یاد ولایت والي ښاغلې محمد شعیب ثابت، مرستیال والي الحاج مسعود بختور، په ولسی جرگه کې د فراه ولایت د خلکو استازو، ښاغلي ډاکټرهمایون شهزاده، ښاغلي انجنیر عبدالنصیر فراهي، د ولایتي شورا غړو، د ټولو ادارو مسئولینو، ولسوالانو، د پوهنتون استادانو، دیني علمانو، مخورو، قومي مشرانو ، د مدنی ټولنو استازو، ځوانانو خویندو او وروڼو د (۶۰۰) څخه زیاتو برخه والو ګډون درلود.
غونډه د څو مبارکو ایتونو په تلاوت سره پیل او ملي سرود خپور شو، ورپسې د فراه ولایت د سرحدونو اوقبایلو چارو رئیس محمداکبر"عمر" د غونډې برخوالوته ښه راغلاست او پرانیستونکې وینا وکړه او د ولسمشریرزو ټاکنو د وروستۍ پریکړې په مناسبت یې د غونډې برخوالو ته مبارکي وویله: زیاته یې کړه، چې د فراه ولسونو په سختو شرایطو کې راووتل خپله رایه یی وکاروله او د خپل زعیم په ټاکلوکې یې مهم رول اداکړ همدا راز یې د سولې د وروستیو پرمختوگونو یادونه هم وکړه د دولت له رهبرۍ یې وغوښتل، چې د سولې په اړوند د پرتو چیلنجونو د حل په موخه د سولې خپلې منابع او قوتونه په داسې ډول توحید او تنطیم کړي چې په هېواد کې د تلپاتې سولې پیلامه وگرځي، ترڅو ټول افغانان په ګران هېواد کې د سولې تر ویاړمن چتر لاندې خوندي اوپتمن ژوند وکړي.
ورپسې د یاد ولایت والي ښاغلي محمد شعیب "ثابت" د سولې اړوند خبرې وکړې او د ولسمشریزو ټاکنو د وروستۍ پریکړې ستاینه یې وکړه او ولسمشر ته یې د بریالیتوب مبارکي وویله: همدا راز یې د سولې ملي پروسې په اړه یې له ولسونو وغوښتل، چې تر بل هر وخت د سولې د رارسیدو امکانات زیات شوي بناء دینې علمان او ټول فراهي ولس باید د سولې د ټینګښت په اړوند خپلې هڅې زیاتې کړي.
وروسته په ولسې جرگه کې د فراه ولایت د خلکو استازو ښاغلي ډاکټرهمایون شهزاده، انجینر عبدالنصیر، د ولایتي شورا استازي الحاج خیرمحمد نورزي، د حج اوقافو رئیس عبدالجبار مطمئین فراهي، قومي مشرحاجي زرین خان، د خویندو په استازیتوب آغلې کبرعظیمي هم وینا وکړه او د ټاکنود خپلواک کمېسیون د وروستۍ پریکړې ستاینه یی وکړه او ولسمشر محمد اشرف غني ته یې د بریالي نوماند په توګه مبارکي وویله: د سولې په اړوند یې هم خبرې وکړې او په دې برخه کې یې وروستۍ هڅې وستایلې.
نوموړو له ولسونو وغوښتل، چې د سولې په تړاو دې، چې یوه ملي پروسه ده مثبت پیغامونه خپاره کړي.
غونډه په هېواد کې د تلپاتې سولې په دعایې سره پای ته ورسیده.
