په مسلکي معینیت کې د علمي بورد تعقیبي ناسته ترسره شوه
٢٢/٨/١٤٤٥ ھ ق
د سرحدونو، قومونو او قبایلو چارو وزارت په مسلکي معینیت کې د تحقیق او مطالعاتو ریاست د محققینو د بورد له لوري د وړاندې شویو معلوماتو په اړه تعقیبي ناسته ترسره شوه.
په یاده ناسته کې د وزارت مسلکي معین مولوي احمد طه قادري، د دعوت و ارشاد رئیس مفتي شفیع الله ثاقب، د ښوونې او روزنې رئیس مولوي عبد الرحمن رحماني، د تفتیش رئیس مولوي اسحاق ادریس، د تحقیق او مطالعاتو رئیس مولوي هدایت الله حقاني، د اطلاعاتو او عامه اړیکو سرپرست ملا شرافت ویاړ او ګڼ شمېرو آمرینو حضور درلود.
په پیل کې د یاد ریاست څېړونکو د خپلو يو کلنو لاسته راوړنو او په مختلفو ولايتونو کې د ځانګړو موضوعاتو پر سر د څيړنو په اړه معلومات وړاندې کړل.
ورپسې ښاغلي قادري په خپلو خبرو کې د قومي جوړښتونو، ژبې، دودونو او د هر قوم د پس منظر په اړه څېړنه اړينه وبلله، او په يادو څيړونکوو د دوئ د ښو کړونو او پرمختگو په پار ستاینلکونه هم وویشل شوه.
