د افغان سولې د مرکچي پلاوي له غړې سره کتنه!
د سرحدونو او قبایلو چارو وزیر ښاغلي محب الله صمیم نن له غرمې مخکې په خپل کاري دفتر کې د سولې مرکچي پلاوي له غړې اغلې شریفې زرمتۍ سره وکتل!
په دې کتنه کې اغلې زرمتۍ په دوحه کې د افغانستان د سولې مرکچې پلاوي فعالتونو باندې رڼا واچوله، وی ویل: موږ د خبرو پر میز د افغانانو اساسي غوښتنې، چې هغه د تلپاتې اوربند ټینګښت، په هېواد کې د دوو لسیزو د لاسته راوړنو او ښځو حقوقو خوندیتوب او باعزته سوله ده، له طالبانو سره طرحه کړي دي، خو له بده مرغه دوې، د خبرو میز ته ډېر کم حاضریږي او وخت ضایع کوي.
ورپسې ښاغلي محب الله صمیم سوله د افغانانو اساسي اړتیا او ستره هیله وبلله وی ویل: د افغانستان اسلامي جمهوري دولت او ملت د سولې د ټینګښت لپاره ښه نیت لري، طالبان باید د ټولو افغانانو غږ ته، چې هغه د تلپاتې اوربند ټینګښت دی، لبیک ووایي ترڅو زموږ په هېواد کې د جنګ جګړو ټغر د تل پاره ټول او هېواد وال په سوله ییزه فضا کې د خپل هېواد پرمختګ ته کار وکړي.
په دې کتنه کې همداراز دواړو لورو د ولسونو د انسجام او نورو ملي مسایلو په اړه هم بحث او خبرې وکړې او پرګډو همکاریو یې ټینګار وکړ.
