په خوست کې د ځدراڼو قوم له مشرانو او مخورو سره کتنه!
د سر حدونو او قبایلو چارو وزیر ښاغلي محب الله صمیم خوست ولایت ته د خپل سفر په ترڅ کې د ځدراڼو دروند قوم له قومي مشرانو او مخورو سره وکتل.
په دې کتنه کې د ځدراڼو قوم مشرانو له ښاغلي صمیم څخه مننه وکړه چې خوست ولایت ته یې سفر کړی او د ولسونو شته بېلابېلې ستونزې له نږدې اوري.
دوی دغه راز خپلې یو لړ سیمه ییزې ستونزې چې د پوهنې، روغتیا، پراختیایي پروژو د تطبیق او ورته نورو برخو کې وې د حل په موخه یې له ښاغلي صمیم سره شریکې کړې
ورپسې محترم محب الله صمیم د خوست ولسونو له تود هر کلي او مېلمه پالنې مننه وکړه وې ویل: د خوست ولسونو تل د جمهوري نظام ملاتړ او له هېواد څخه دفاع کړی او په دې برخو کې یې بې شمېره قربانۍ ورکړي او زموږ مسوولیت دا دی چې ستاسو ستونزې د حل په موخه له اړوندو ادارو سره شریکې کړو.
