د خوست په ګلان کمپ کې د وزيرستان د بې ځايه شويو کورنيو ستونزې واورېدل شوې.
د سرحدونو او قبایلو چارو وزیر محترم محب الله صميم او ورسره مل پلاوي نن خوست ته د خپل سفر په ترڅ کې په دغه ولايت کې د ګلان کمپ ته تشریف يووړ او په دې کمپ کې يې د وزيرستان له بې ځايه شويو سره له نږدې وکتل او د دوې ستونزې يې واورېدې.
په دې کتنه لومړی ددغه کمپ استازو د سرحدونو او قبایلو چارو وزیر ښاغلي محب الله صميم او مل پلاوي ته ښه راغلاست ووايه او مننه يې وکړه، چې د افغانستان د کابينې يو وزير د دوی حالت له نږدې ګوري نوموړو دغه راز په بېلابېلو برخو په تېره بیا د ښوونځي د نشتوالي په برخه کې خپلې يو لړ ستونزې له ښاغلي صميم سره د حل په موخه شريکې کړي.
ورپسې ښاغلي صميم خبرې وکړې وې ویل، موږ ټول سره وروڼه يو او ګډې اړیکې لرو تاسو کولای شئ دلته له خپلو وروڼو سره د ورورۍ په فضا کې خپل ژوند ته دوام ورکړئ.
ښاغلي صميم دوې ته ډاډ ورکړ، چې ستونزې به يې د حل په موخه له اړوندو ادارو سره شريکي کړي.
