کنړ کې ۲۰ کلنه شخړه په سوله ييز ډول هواره شوه
چهار شنبه ۲۶ جمادی الآخرة ۱۴۴۷ د ياد ولايت مرکز اړوند د دوو کورنيو ترمنځ د شاوخوا شلو کلونو اوږدمهاله شخړه، چې د ځينو ځمکو او بانډو پر سر رامنځته شوې وه او ګڼ اختلافات يې را پارولي وو.د دغه ولايت د سرحدونو، قومونو او قبايلو چارو رياست استازو په هڅو او د قومي مشرانو په منځګړيتوب هواره شوه.دغې شخړې د دوه لسيزو وخت په تېرېدو سره د ښکېلو کورنیو ترمنځ نه يواځي دا، چې اړیکې ترینګلې کړې وې بلکې وخت ناوخت يې د تاوتريخوالي ستونزې هم رامنځ ته کېدې، چې د مسؤلینو او قومي مشرانو د پرله پسې هڅو په پايله کې سره پخلا او حق حقدار ته وسپارل شو.
د شخړې دواړو کورنیو مشرانو یو بل ته بښنه وکړه په تېرو اختلافاتو يې پښېماني وښوده او د ورورولي، سوله ییز ګډ ژوند او يووالي د پیل ژمنه یې وکړه.
