په نیمروز ولایت کې قومي جرګه تر سره شوه
۱۳/رجب المرجب
د سرحدونو، قومونو او قبایلو چارو وزارت له لوري د نیمروز ولایت مرکز زرنج کې یوه لویه قومي او ولسي غونډه جوړه شوه. په یاده غونډه کې د سرحدونو ق.ق چارو وزارت د جرګو او قبایلې چارو د همغږۍ معین الحاج ملا عبدالخالق عابد، ورسره مل پلاوي د نیمرزو ولایت د ادارو مسؤلینو، دیني عالمانو او قومي مشرانو ګډون درولود. د غونډې په پیل کې د علماوو په استازیتوب څو تنو خبرې وکړې، دوئ ی وويل چې دا د خوښۍ او شکر ځای دی چې مشران د خپل ولس د ستونزو د اورېدلو او د هغوی د حال اخیستلو لپاره راغلي دي، له څلوېښت کلنۍ جګړې وروسته یو واحد حکومت حاکم شوی او د هر افغان سر، مال او ټول حقوق خوندي دي. د قومي مشرانو له ډلې څخه یې څو تنو وویل: د افغانستان اوسنی نظام د افغانستان د ټولو قومونو نظام دی او په ګډه به يې ساتو، همدا راز د وزارت د پلان او پالیسي رئیس وویل:
یو هیواد هغه وخت خودکفاء او استقلال تر لاسه کولای شي چې، قومونه او ولس یې له نظام سره همغږی او تر څنګ ولاړ وي، افغانانو ته اوس الله ج موکه ورکړې چې د نظام ملاتړ وکړي او تر څنګ یې ودرېږي. غونډې ته د یاد وزرات د پلان او پالیسۍ رئیس په خپله وینا کې وویل، چې یو هیواد هغه وخت خودکفایي ته رسیږي چې ولسونه او قومونه یې ترڅنګ ودریږي، نو راشئ او د خپل نظام ملاتړ او حمایه وکړئ. د جرګې په وروستیو کې د یاد وزارت جرګو او قبایلي چارو د همغږۍ معین الحاج مولوي عبدالخالق عابد وویل: د هیواد اقتصاد مو بحران سره مخ و، خو موږ په لیږ وخت وکولای شول چې بیرته یې په پښو ودروو. هغه له ټولو هیوادوالو څخه د نظام د ملاتړ غوښتنه وکړه او زیاته یې کړه چې په همدغه نظام کې د ټولو عزت خوندي دی او ستاسو ټولو ستونزي به اوریدل کیږي. همدې ولایت ته زموږ د سفر یوازینۍ موخه همدا ده چې د دې مجاهدو ولسونو غوښتنې له نږدې واورو او تر اړوندې مرجع پوري یې ورسوو. غونډه د هیواد د آبادي او تلپاتي سوکالي په دعا پای ته ورسیده.
