لرغوني هرات ته د سرحدونو او قبایلو چارو د وزیر سفر!
د سرحدونو او قبایلو چارو وزیر محترم محمد شفیق ګل آغا شېرزى نن د هرات لرغونې ولایت ته ورسېد.
ښاغلي شېرزي ته د هرات په نړيوال هوايي ډګر کې ددغه ولايت د والي ښاغلي عبدالقيوم رحيمي، د ولايتي ادارې ملکي او پوځي چارواکو، ګڼو قومي مشرانو او مخورو له خوا ښه راغلاست او هر کلى وويل شو.
ټاکل شوې ده، د سرحدونو او قبایلو چارو وزیر په هرات کې د خپل رسمي سفر په ترڅ کې په دغه ولایت کې له لوړ پوړو دولتي مقاماتو، بېلابېلو قومي مشرانو او مخورو سره د لېدنې کتنې ترڅنګ په يوې پراخې ولسي جرګه کې برخه واخلي.
