د کرنې او بیارغونې پر اتل ډاکټر ناکامورا برید د وحشت وروستی حد دی!
د هېواد او خلکو دښمنانو، پردي جاسوسانو نن سهارد ننګرهار په مرکز جلال آباد ښارکې پر جاپاني الاصله افتخاري افغان ښاغلي ناکامورا باندې، چې په هېواد کې د کرنې د پراختیا او اوبو مهارولو په ګډون د بیارغونې په برخو کې په بیسارې خدمتونو بوخت و، وحشیانه برید کړې، چې له امله یې نوموړي او څو تنه همکاران یې وژل شوي دي.
نوموړي په ننګرهار ولایت کې داسې کرنېزې پروژې تطبیق او زراعت ته يي دومره وده ورکړې، چې دافغانانو په زړونو کې يې ځاي پیدا کړې او افغانان پرې ویاړي.
د سرحدونو او قبایلوچارو وزارت د دغې وحشیانه پېښې دغندنې په ترڅ کې عاملین د هېواد دښمنان او پردي جاسوسان بولې او له امنیتي ادارو څخه غوښتنه کوي، چې د پېښې عاملین د قانون منګولو ته وسپاري.
د لوې خدای ج له دربارڅخه ناکامورا او د پېښې نورو وژل شويو همکارانو ته د مغفرت او کورنى او خواخوږو ته یې د جمیل صبر هیله کوم!
درنښت
محمد شفیق ګل آغا شېرزی
د سرحدونو او قبایلو چارو وزیر
