د ښځو چارو له وزیرې سره کتنه!
د سرحدون او قبایلو چارو وزیر ښاغلي محمد شفیق ګل آغا شېرزي نن سې شنبې د ۱۳۹۸ لمریز کال د لړم میاشتې په ۱۴ مه نېټه د ښځو چارو له وزیرې آغلې دلبر نظري سره د خپل کار په دفتر کې وکتل.
په دې کتنه کې اغلې دلبر نظري د ښځو د ظرفیت لوړونې او هغوی ته په وزارت کې د ښه کاري چاپیریال برابرولو په برخه کې د سرحدونو او قبایلو چارو د وزیر ښاغلي محمد شفیق ګل آغا شېرزي فعالیتونه وستایل او د تلپاتې همکاریو څخه یې مننه وکړه.
همدا راز یې د محترم وزیر صاحب د مور بې بې پاک روح ته، چې پخوا په حق رسیدلې وه دعا وکړه او د غمشریکۍ مراتب یې وړاندې کړل.
ورپسې د سرحدونو او قبایلو چارو وزیر ښاغلي محمد شفیق ګل آغا شېزي په خپلو خبرو کې اغلې دلبرې نظري ته د ښه راغلاست ویلو ترڅنګ نوموړې یوه بااحساسه او د ښځو چارو وزارت د چارو په مخته وړلو کې مسؤلیت مننونکې مېرمنه یاده کړه او د خپلو تلپاتې همکاریو ډاډ یې ورکړ.
