د پکتیکا ولایت د وزیرو له یو شمېر قومي مشرانو او ځوانانو سره کتنه!
د سرحدونو او قبایلو چارو وزیر ښاغلي محب الله صمیم نن له غرمې مخکې د پکتیکا ولایت برمل ولسوالۍ د وزیرو له یو شمېر قومي مشرانو ښاغلي ډاکټر توپان وزیري او ځوانانو سره وکتل او د نوموړو سیمه ییزې ستونزې یې، چې د وزارت په اړوندو لېسو کې د وزیرو ځوانانو ته د زیاتې ونډې، د روغتیایې اسانتیاوو برابرولو او نورو برخو کې وې له نږدې واورېدې.
دغه راز ښاغلي محب الله صمیم دوی ته ډاډ ورکړ، چې ستونزې به مو د حل په موخه له اړوندو ادارو سره شرکې کړم.
