د هېواد د پياوړي قومي مشر او مخور شخصیت حاجي عبدالغفور زوري د روغتیایي حالت پوښتنه وشوه!
د سرحدونو او قبایلو چارو وزير محترم محب الله صميم نن ماښام د د نیمروز ولایت د مشهور متنفذ او پياوړي قومي مشر ښاغلي زوري، کور ته، چې له تېرو دوو کلونو راهیسې ناروغ دی، تشریف يووړ او د هغه د روغتيا پوښتنه یې وکړه.
ښاغلي محب الله صمیم د نوموړي د روغتیایي حالت د پوښتنې تر څنګ د هغه فعالیتونه وستایل، زیاته یې کړه: ستاسو په څېر په هېواد او ولس میینو شخصیتونو فعالیتونه او مبارزه زموږ ټولو لپاره د ژمنتیا او هېواد پالنې ستره بېلګه ده.
په پای کې د سرحدونو او قبایلو چارو وزیر ښاغلي محب الله صمیم نوموړي ته د لوی خدای ج له سپېڅلي دربار څخه د بشپړې روغتیا غوښتنه وکړه.
په مقابل کې ښاغلي زوري د محترم صمیم صاحب له نېک احساس او خواخوږۍ څخه مننه او قدرداني وکړه.
