د سرې مياشتې له رئيس او یو شمېر کارکوونکو سره ناسته
شنبه، ٢٣ ربيع الثاني ١٤٤٤
د فراه ولايت د سرحدونو، قومونو او قبايلو چارو رئيس مولوي منصور د سرې مياشتې له رئيس مفتي احمد راشد او يو شمير با صلاحيته کارکوونکو سره ناسته وکړه. په یاده ناسته کې چې د ياد رياست د جرگو او قبايلي چارو د همغږي مدير او د سرې مياشتې یو شمېر کارکوونکو برخه لرله د فراه ولايت د سرحدونو، قومونو او قبايلو چارو رئيس مولوي منصور په سیمه کې د بېلابيلو قومونو او کوچيانو لپار د خوراکي توکو، د سون توکو او نورو رغنیزو او روغتيايي پروژو غوښتنه وکړه. په پاي کې د سرې مياشتې رئيس احمد راشد پخپله وینا کې وویل چې کاري ټیم به د فراه ولايت اړوندو ولسواليو ته لاړ شي او ستونزې به په ګوته کړي، تر څو د هېواد په ٣٤ ولايتونو کې د خوراکي توکو، د سون د موادو او نورو رغنیزو او روغتيايي پروژو په لړ کې د ياد ولايت ستونزو ته هم د حل لارې ولټوي او اړوندو ادارو ته به یې د عاجلو اقداماتو غوښتنه وکړي.
