د خلکو له استازي، قومي او سیاسي شخصیتونو سره کتنه!
د سرحدونو او قبایلو چارو وزیر ښاغلي محمد شفیق ګل آغا شېرزي نن شنبې د ۱۳۹۸ لمریز کال د کب میاشتې پر ۳ مه نېټه په ولسي جرګه کې د بغلان ولایت د خلکو له استازي ښاغلي اسدالله شهباز، قومي مشراو د کانونو او پطرولیم پخواني وزیر الحاج محمد اکبر بارکزي او د حق کاروان د سرتاسري شورا له رئیس ښاغلي زرداد فریادي سره د خپل کار په دفتر کې وکتل.
په دې کتنه کې، چې د وزارت محترم معینان هم حاضر وو، راغلو مشرانو د خپلو سیمه ییزو ستونزو شریکولو، ترڅنګ د ولسونو د یووالي، تلپاتې سولې په ټینګښت او د قومونو ترمنځ د اړیکو د پراختیا په برخو کې د وزارت د مشرتابه هڅې وستایلې او د خپلو تلپاتیو همکاریو ډاډ یې ورکړ.
ورپسې د سرحدونو او قبایلو چارو وزیر ښاغلي محمد شفیق ګل آغا شېرزي د یادو مشرانو ستونزې پر ځای وبللې او د نوموړو سره یې په بېلابېلو برخو کې په ګډو هلو ځلو، همکاریو او سلا مشورو باندې ټینګار وکړ.
