د خروټو قوم د ځوانانو سرتاسري شورا له مرستیال اوغړو سره کتنه!
د سرحدونو او قبایلو چارو وزیر ښاغلي محب الله صمیم نن له غرمې وروسته په خپل کاري دفتر کې د خروټو قوم د ځوانانو سرتاسري شورا له مرستیال او غړو سره وکتل.
په دې کتنه کې راغلو ځوانانو او مخورو د خروټو قوم د ځوانانو شورا د فعالیتونو په اړه معلومات وړاندې کړل وې ویل: د یادې شورا غړو تل د همدې شورا له ادرس څخه د خپل نظام، جمهوریت او امنیتي ځواکونو ملاتړ کړی او لا به هم د خپل نظام ملاتړ کوي، دغه راز یې د یاد قوم د ځوانانو ستونزې چې د پوهنې په برخه کې وې د حل په موخه له ښاغلي محب الله صمیم سره شریکې کې کړې.
ورپسې ښاغلي صمیم په خپلو خبرو کې د یادې شورا له غړو څخه مننه وکړه وې ویل: د خروټو غیرتي قوم تل د خپل نظام ملاتړ کړی او په دې لار کې یې قربانۍ ورکړي او موږ یې د قربانیو قدرداني کوو او ځوانانو ته به مو د وزارت په اړوندو لېسوکې د زده کړې زمینه برابر کړو.
