تخار ولایت کې د لنډ مهاله سرویرانو د ګمارنې لپاره تحريري ازموينه واخيستل شوه
د سرحدونو او قبايلو چارو وزارت د مالوماتو او اطلاعاتو د مدیریت سيستم (BTMIS) پروژې په تخار ولايت کې د لنډ مهاله سرويرانو د ګمارلو لپاره تحريري ازموينه په بریالیتوب سره تر سره کړه.
په پيل کې د تخار ولايت د سرحدونو او قبایلو چارو رياست رئيس حبيب الله رائفي ګډونوال ته د ازموینې د شفافیت او ددې پروژې او څېړنې د اهميت په اړه لنډې خبرې وکړي.
ورپسې د سرحدونو او قبايلو د مالوماتو او اطلاعاتو د مدیریت سيستم(BTMIS) پروژې د مالوماتو را ټولولو چارو آفسر محمد شريف ملګري او د مالوماتو تدقيق افسر جمشيد ظفر بارکزي يې ملتيا کوله په ازموينه کې ټولو برخه اخيستونکو ته ښه راغلاست ووايه او د پروژې داهميت او ازموينې د څرنګوالي په اړه له ګډونوالو سر مالومات شريک کړل او د شفافیت يې پوره ډاډ ورکړ.
د یادونې وړ ده، چې تحريري ازموينې لپاره د تخار ولايت د مرکز په ګډون د 17 ولسوالیو، لنډ مهاله سرويرانو د استخدام لپاره 130 کسانو د ازموينې غوښتن پاڼې ډکې کړې وې، چې 80 کسان د تحريري ازموينې لپاره شارټ لیست شوي وه، چې په پوره شفافيت سره د ازموينې د کميټې او له کابل څخه راغلي پلاوې په موجوديت کې له ټولو ګډون کوونکو څخه تحريري ازموينه واخيستل شوه.
په درنښت
