کنړ کې د شاوخوا ۵۰ کلنې بدي سر بېره ارزګان کې يوکلنه شخړه پای ته ورسېده
شنبه ۳ جمادیالآخرة ۱۴۴۸
د کنړ ولايت د سرحدونو، قومونو او قبايلو چارو رياست مسؤلينو د ځايي ديني عالمانو، قومي مشرانو، متنفذينو او مخورو په ملتيا د دغه ولايت په وټه پور ولسوالۍ کې د پنځو لسيزو دوامداره بدي په سوله ييز ډول حل او فصل کړه.
ياده بدي، چې د ځينو حقوقي مسائلو او ځمکو د ملکيت پر سر را پورته شوې وه دواړو خواوو ته يې د ګڼو مالي زيانونو ترڅنګ لويې خپلمنځي ستونزې پېښې کړې وې، چې د مسؤلينو د منځګړيتوب په اساس په دوستي او ورورولي بدله شوه.
همداراز په ارزګان ولايت کې هم د دوو کورنيو ترمنځ راپورته شوې شخړه، چې يو کاله مخکي رامنځته شوې وه تېره ورځ د ياد ولايت د سرحدونو، قومونو او قبايلو چارو آمريت د استازو په هڅو او د قومي سپين ږيرو په ملتيا حل او د يوې عادلانه فيصلې په ترڅ کې پای ته ورسېده
