په کندهار کې قومي شوراګانو د سولې او ملي يووالي د ټينګښت په اړه غونډه وکړه!
په همدې موخه نن د کندهار ولایت د سرحدونو او قبایلو چارو ریاست لخوا غونډه جوړه شوه. چې پکې د سرحدونو او قبایلو چارو ریس الحاج عبدالرازق عابد، د اسحاقزو د شورا ریس حاجی جمعه ګل اسحاقزي، د قومونو دهمغږۍ شورا ریس حاجي ولي آغآ، د سلیمان خېلو شورا ریس، د وردګو شورا ریس، د کاکړو، بابړانو، سیدانو، او نورو شوراګانو مسؤلینو، غړو ترڅنګ ګڼو نورو قومي مشرانو، علماؤ ځوانانو، دفراه ،غور، اروزګان، بادغیس دخلکو آستازو، چې په کندهار کې مېشت دي برخه اخیستي وه.
د سرحدونو او قبایلو چارو ریس الحاج عبدالرازق عابد لومړي د غونډی برخه والو ته د سولي پر آرزښت،ضرورت او اوسني وخت کښی د سولي لپاره پرشته فرصتونو او آمکاناتو ترڅنګ د ملي یوالي، دقومونو ترمنځ پرښه اتفاق او همغږۍ هرآړخیزي خبري وکړي او زیاته یی کړه اوس له بل هر وخت نه زيات افغانان ملي یوالي ته ضرورت لري.
ورپسي د شوراګانو محترمو مسؤلینو، علماؤ او قومي مشرانو خبري وکړي او د سولي، ملي یوالي او اوسني نظام څخه یې بشپړ ملاتړڅرګند کړ، او همدارنګه یی د تاوتریخوالي د کمښت او دایمي اوربند غوښتنه وکړه .
