د پکتيکا ولسونه په هر حالت کې د خپل شته نظام تر څنګ ولاړ دي
د ټاکنېزو کمیسیونونو وروستۍ پریکړه د ولس اراده او غوښتنه ده موږ یې کلک ملاتړ کوو ولسمشر محمد اشرف غني ته د بیا ځل بریا مبارکي وایو .
دغه خبرې د پکتيکا ولايت په سلګونو تنو قومي مشرانو، ځوانانو او مدني فعالانو وکړې او ويې ويل چې موږ به هيچا ته اجازه ورنه کړو چې زموږ واحد او متمرکز نظام له خنډونو سره مخ کړي ، اوس زموږ ولسونه پوهيدلې دي او د پرديو پر دسايسو نور نه غوليږي ، د پکتيکا ولسونو تل د هيواد د خپلواکۍ او ولسواکۍ لپاره مبارزه کړېده او په دې لار کې قرباني شويدي.
دوى پر ټولو لوريو غږ وکړ چې ولسواکۍ او ولس ته په احترام سره د ټاکنو وروستۍ پايلې ومني او روانو کړکيچونو ته نور ژر تر ژره د پاى ټکى کيږدي.
