د ډېورند فرضي کرښې په اوږدو کې د پاکستاني ملېشو له خوا غير قانوني کړنې او پوځي تحرکات بايد ودرول شي!
د پاکستاني ملېشو له خوا د کونړ ولايت د ناړې ولسوالى په مربوطاتو کې ناقانونه کړنې او پوځي تحرکات افغان پوله ساتې ځواکونه اړ کړي، تر څو پاکستاني ملېشو ته پوځي غبرګون وښيې او په پوره مېړانه د خپلې خاورې او ځمکنۍ بشپړتيا ساتنه وکړي.
پاکستان باید ژر تر ژره د ډیورند کرښې په اوږدو کې ناقانونه کړنې او پوځي تحرکات ودروي.
د سرحدونو او قبايلو چارو وزارت مشرتابه نن په وزارت کې د يوې ناستې په ترڅ کې د کونړ ولسوالۍ د ناړې ولسوالى په صفري نقطه کې د پاکستاني ملېشو پوځي تحرکات او ناقانونه کړنې وغندلې، د اوسنۍ جګړې د ژر بندېدو او د د يپلوماتيکو او نورو مناسبو لارو يې ددغو ستونزو د هوارېدو غوښتنه وکړه .
درنښت
د سرحدونو او قبايلو چارو وزارت
