په هيواد کې د اسلامي اخوت او ولسي ستونزو د اورېدو غونډو دوام
چهار شنبه ۱۹ جمادی الآخرة ۱۴۴۷ د سرحدونو قومونو او قبايلو چارو وزارت په مشري د ولايتي مسؤلينو له لوري د غزني ولايت په رشيدانو ولسوالي، د کندهار ولايت په تخته پل ولسوالي، د بلخ ولايت په چهار کنت ولسوالي، د دايکندي ولايت په يکتي ولسوالي، د ميدان وردګ ولايت په مرکز بهسود ولسوالي او د هرات ولايت په کوه زور ولسوالي کې له عامو خلکو، قومي سپين ږيرو، متنفذينو او ولسواليو استازو سره د اسلامي اخوت او ولسي ستونزو د اورېدو تر عنوان لاندې پراخې ولسي غونډې جوړې شوې. د يادو غونډو پرمهال ولسي خلکو او قومي سپين ږيرو د خپلو سيمه ييزو ستونزو په شريکولو سره د اسلامي امارت له مشرانو مننه وکړه، چې د دغسې ولسي غونډو له لارې قومي يووالي، همغږۍ او ورورولي ته کار کوي. دوی همداراز د سرحدونو، قومونو او قبايلو چارو وزارت هغه هڅې او لاسته راوړنې وسايلې، چې په وينا يې د سرحدي سيمو او خدمتونو بې برخې وطنوالو ته عامل منفعه خدمتونه وړاندې کوي. ورپسې مسؤلينو د قومونو ترمنځ د ژبني، سیمه ییزو او قومي تعصباتو د مخنیوي په تړاو خبرې وکړې او ولسونه يې يووالي ته راوبلل. دوی همداراز د اسلام له نظره په ټولنه کې د شته خرافاتو، ناسمو رواجونو او ناوړه دودونو د مخنيوي په تړاو د امیرالمؤمنین حفظه الله فرمان ولوست او د هغي د عملي کولو سپارښتنې يې وکړې.
