غزني کې د مسؤلينو له لوري ۸ کلنې شخړې پای وموند
دوشنبه ۲۶ جمادی الأولی ۱۴۴۷
د غزني ولايت د سرحدونو، قومونو او قبايلو چارو رياست مسؤلينو د دغه ولايت په مقر ولسوالي کې د دوو کورنيو ترمنځ د کورني جنجالونو له امله راپورته شوې شخړه حل او دواړو خواوو وروسته له اتو کلونو راشه درشه پيل کړه.
د دغې شخړې په پايله کې له يوه لوري يو کس وژل شوی څو تنه ټپيان شوي او ګڼې کورنۍ ستونزې يې هم لرلې، چې مسؤلينو د ځايي قومي مشرانو او علماوو په منځګړيتوب د څو ناستو په ترڅ کې دواړه لوري سولې ته راضي کړل او د ورورولي ژوند يې پيل کړ.
د شخړې ښکېلو طرفونو د اسلامي امارت او په خاصه توګه د سرحدونو، قومونو او قبايلو چارو وزارت له هڅو مننه وکړه، چې په وينا يې د ولسونو د ارام ژوند او ثبات لپاره هلې ځلې کوي.
