لغمان کې اوه کلنه دښمني په ورورولي بدله شوه
چهارشنبه ۱۰ ربيع الأول ۱۴۴۷
د لغمان ولایت دولت شاه ولسوالي په ګړان سيمه کې د دوو کورنیو ترمنځ اوه کلنه دښمني د قومي مشرانو او ديني عالمانو په هڅو سره پای ته ورسېده. یاده شخړه، چې ۷ کاله وړاندې د کورني تاوترېخوالي له کبله رامنځته شوې وه په سوله ييزه توګه حل شوه.
په همدې موخه د جوړې شوې غونډې پرانېسته د یاد آمریت آمر مولوي نورالهادي چپاو وکړه ګډونوالو ته یې د اسلامي شریعت له نظره د عفوې او بښنې ارزښت روښانه کړ. ورپسې قومي مشر هم د بښنې په ګټو او خوپايلو خبرې وکړې او د دواړو کورنیو د هوکړې ستاینه یې وکړه.
د دغې رابلل شوې جرګې په پای کې ښکېلو غاړو له رضايت وروسته د دوستۍ لاسونه ورکړل او د ورورولۍ ژوند يې پيل کړ.
