خوست کې د څلورنيم مياشتنۍ ازموينو له بهير څخه څارنه ترسره شوه
سه شنبه ۱۲ محرم الحرام ۱۴۴۷ د سرحدونو، قومونو او قبايلو چارو وزارت د ښوونې او روزنې ریاست له لوري لېږل شوي هیئت خوست ولايت ته د خپل سفر په ترڅ کې د دې ولايت د سرحدونو، قومونو او قبايلو چارو رياست اړوند قبايلو عالي لېسې د څلورنيم مياشتنۍ ازموينې له بهير څخه ليدنه وکړه. په دې ليدنه کې د ياد وزارت څخه د ورغلي پلاوي له لوري د ازموینې د تنظیم، شفافیت او تطبیق پر څرنګوالي څارنه ترسره شوه، چې پکې د زده کوونکو حضور د ازموینې ورقې او د ښوونکو مسؤلیتونه و ارزول شول. همدا راز د مسؤلينو له خوا د ازموینې د بهیر پر شفافيت هم تاکید وشو. په پای کې د زده کوونکو يو شمېر ستونزې هم واورېدل شوې، ياد هیئت د خوست ولايت د قبايلو لېسې ښوونېز بهیر مثبت ارزيابي کړ او ډاډ یې څرګند کړ، چې د ښوونیز چاپېریال د لا ښه والي په موخه به لازم اقدامات هم تر سره شي.
