د ميدان وردګو ولايت په بهسود ولسوالۍ کې د دوو قومونو ترمنځ شخړه هواره شوه!
چهار شنبه ۱۴/۶/۱۴۰۳
هغه شخړه چې د ميدان وردګ ولايت بهسود ولسوالۍ په لټه بند سيمه کې د د وو قومونو ترمنځ د زراعت او مالدارۍ له وجې راپورته شوې وه د ياد ولايت د سرحدونو، قومونو او قبايلو چارو د آمر په مشرۍ، د شخړو د حل کمېسون، قومي مشرانو، ولسي وګړو، متنفذينو او د ا.ا.ا د ځينو مسؤلينو په ګډو همکاريو حل شوه. د دغه روغې جوړې پر مهال لومړی له دواړو لوريو سره خبرې او مرکې وشوې او بيا ترې ګډ هيئت اختيار ليکونه واخيستل، چې مسؤلينو پکې د عدل فيصله وکړه او ښکېل اړخونه يې سره غاړه غړۍ کړل. دوی د جرګې له غړو سره ژمنه وکړه چې په آينده کې به يو بل ته هيڅ ستونزې او مشکلات نه جوړوي او ارام ژوند به تيروي.
