په کنړ ولایت کې شخړه حل شوه
۱۷\۸\۱۴۴۵ هـ ق
د سرحدونو، قومونو او قبایلو چارو رئیس ښاغلي ملا تحمید الله غازي په کنړ ولایت کې د دوو کورنیو تر منځ رامنځته شوې شخړه حل کړه.
یاده شخړه چې د یوه هلک او جنۍ په سر رامنځته شوې وه داسې چې دواړه د کراچۍ څخه کنړ ته راغلي وه او په کنړ کې په بند محکوم وه، تر څو شخړه یاد ریاست ته وسپارل شوه.
ښاغلي غازي د حل پر وخت دواړو جانبینو ته وویل چې په ژوند کې ستونزې او شخړې رازي، خو باید په فهم و تفهیم او د سولې له لارې حل شې، او دغه یې د حل غوره لاره ده، چې په نتیجه کې یې دواړو طرفینو یو بل ته د خوښۍ غېږې ورکړې او شخړې ته یې د پای ټکی کېښود.
