د برمل ولسوالۍ يو شمير عالمانو، قومي مشرانو او ځوانانو سره کتنه
پنچ شنبه ١٨ جمادي الثاني ١٤٤٤
د سرحدونو، قومونو او قبايلو چارو سرپرست وزير ښاغلي الحاج ملانور الله نوري نن پنجشنبې د خپلو ليدونو په لړ کې دپکتيکا ولايت د برمل ولسوالۍ يو شمير عالمانو، قومي مشرانو او ځوانانو سره د خپل کار په دفتر کې وکتل.
په دې کتنه کې، د يادو عالمانو، قومي مشرانو، ځونانو او سرپرست وزير ښاغلي نوري ترمنځ په سيمه ييزو ستونزو سربېره د ملي يووالي په قوت، د اسلامي نظام په ټينګښت، ملاتړ او اقتصادي پياوړتيا کې د قومي مشرانو د رول، له گاونډې هېواد پاکستان سره په گډ باډر د ستونزو او ننگونو د جرګو او ولسي غونډو له لارې د قومونو د انسجام او همغږۍ، د ملي پروژو په پلي کولو او په يو لړ نورو مهمو موضوعګانو بحث او خبرې وشوې.
