د سرحدونو، قومونو او قبایلو چارو ورازت مسلکي معین د اطلاعاتو اوعامه اړیکو ریاست له رئیس او کارکوونکو سره وکتل
د سرحدونو، قومونو او قبایلو چارو وزارت مسلکي معین ښاغلي مولوي عبدالرحمن حقاني د ۱۴۰۱لمریزکال د وري پر(۱۰) نېټه د یاد وزارت د اطلاعاتو اوعامه اړیکو ریاست له کارکوونکو سره وکتل. د کتنې په پیل کې د اطلاعاتو اوعامه اړیکو رئیس ښاغلي حمدالله فطرت لومړی د ریاست د مخینې او د رسنیزو فعالیتونود څرنګوالي په اړه معلومات وړاندې کړل بیا یې د چارو د لاښه والي په پار وړاندیزونه او د حل په موخه ستونزې شریکې کړې. ورپسې ښاغلي مولوي عبدالرحمن حقاني رسنیز فعالیتونه او په وزارت کې یې د خپرنیزو فعالیتونو شتون مهم وبلل. وې ویل: چې باید د لرې پرتو سیمو خلک چې له انترنیټي خدمتونوبې برخې دي چاپي رسنیو ته لاسرسی ولري، د خلکو په ژبه هغوی ته معلومات وړاندې شي ترڅو خلک په نظام او امارت کې ځان وویني، ټینګار یې وکړ چې خلک باید د اسلامي امارت په ارزښت وپوهول شي او داسې ذهنیت ورکړل شي چې اسلام، خپل استقلال او افغاني کلتور وساتو. ښاغلي حقاني دغه راز د ستونزو د حل ژمنه وکړه. د یادولو وړده چې د نشراتو آمر ښاغلي راحت الله قيام هم د زابل، کندهار، هلمند او روزګان، ولایتونو ته د کاري سفر اوپه یادو ولایتونو کې یې د وزارت اړوند ریاستونوله مسؤلینو سره د لېدنو کتنو په اړه راپور وړاندې کړ، او د هغوی غوښتنې او وړاندیزونه یې له معین صاحب سره د حل په موخه شریک کړل.
