مولوي عبدالخالق عابد د سرحدونو او قبایلو چارو وزارت د جرګو د نوي معين په توګه رسماً خپله دنده پیل کړه
مولوي عبدالخالق عابد نن (۱۴۰۰/۱۲/۲۴ ) د اميرالمؤمنين د فرمان پر بنسټ د يو لړ مراسمو په ترڅ کې د سرحدونو، قومونو او قبایلو چارو وزارت د جرګو د نوي معين په توګه د دغه وزارت کارکوونکو ته معرفي شو او رسماً یې خپله دنده پیل کړه. ښاغلي عابد له دې مخکې د اسلامي امارت په چوکاټ کې د غور او نیمروز د والي او د زابل د والي مرستیال په توګه یې دندې ترسره کړي دي. د ښاغلي عابد د معرفي کېدو په مراسمو کې د سرحدونو او قبایلو چارو وزارت د سرحدي پلټنو معين احمدطه قادري او د نورو ادارو رئيسانو ګډون کړی وو.
