د سرحدونو او قبایلو چارو وزیر محترم محب الله صمیم نن د يو رسمي سفر په ترڅ کې، په داسې حال کې چې د وزارت پلاوی ورسره هم ملګری دی، نن سهار بدخشان ولایت ته ورسېد!
د بدخشان والي ښاغلي محمد ذکریا سودا، د ولایتي ادارې ځینو پوځي او ملکي چارواکو, قومي مشرانو، مخورو، ځوانانو او مدني فعالانو وزیر صاحب ته ښه راغلاست ووايه او تود هرکلی یې وکړ.
ټاکل شوې ده، د سرحدونو او قبایلو چارو وزیر او ورسره پلاوی به د دې رسمي سفر په ترڅ کې له ګڼ شمېر قومي مشرانو، مخورو ځوانانو او مدني فعالانو سره له نږدې وګوري، ستونزې يې واوري او د حل په موخه يې له اړوندو ادارو سره شريکې کړي او هم به د یوې سترې ولسي غونډ له لارې خلک د نظام ملاتړ ته راوبولي .
د يادونې وړ ده، چې ښاغلي محب الله صمیم له دې نه وړاندې د هېواد بېلابېلو ولایتونو ته رسمي سفرونه ترسره کړي، چې نن هم بدخشان ولایت ته ورسېد.
