د دیني عالمانو د مرکزي عالي شورا د مشرتابه له غړو او د بېلابېلو ولایتونو له یو شمېر مخورو او ځوانانو سره کتنه!
د سرحدونو او قبایلو چارو وزیر ښاغلي محب الله صمیم نن له غرمې مخکې په خپل کاري دفتر کې د دیني عالمانو د مرکزي شورا د رهبرۍ له غړو او یو شمېر مخورو سره وکتل.
د یادې شورا د رهبرۍ غړو د وزارت په مرکز او ولایتونو کې دوزارت د مشرتابه هڅې وستایلې، د نورو په استازیتوب څو تنو خبرې وکړې ویې ویل: ستاسو هڅې د قومي جوړښتونو پر پیاوړتیا، ملي یووالي ټینګښت، د ولسونو د بېلابېلو ستونزو په حل او نورو برخو کې وستایلې او د خپلو هر راز همکاریو ډاډ یې څرګند کړ.
ورپسې ښاغلي صمیم په خپلو خبرو کې وویل: تاسو دیني عالمان ولسونو د ممبر له لارې سولې، یووالي او یو بل منلو ته راوبولئ ځکه د سولې په ټينګښت کې مو رول له ارزښته ډک دي.
ښاغلي صمیم زیاته کړه: تاسو دیني عالمان په دې برخو کې خورا مهم او اساسي رول لرئ او باید له وزارت سره په بشپړې همغږی خپل مسوولیت د ټولنې پر وړاندې ادا کړئ.
