په بلخ کې د بلوڅو له قومي مشرانو او مخورو سره کتنه!
د سرحدونو او قبایلو چارو وزیر ښاغلي محب الله صمیم بلخ ولایت ته د خپل سفر په ترڅ کې د بلوڅو له یو شمېر قومي مشرانو او مخورو سره وکتل.
په دې کتنه کې یادو قومي مشرانو د وزارت له مشرتابه څخه مننه وکړه، چې د ولسونو د شته بېلابېلو ستونزو د اورېدو په پار یې یاد ولایت ته سفر وکړ، دوی دغه راز یو لړ سیمه ییزې ستونزې د حل په موخه له ښاغلي صمیم سره شریکې کړې.
ورپسې محترم محب الله صمیم خبرې وکړې وې ویل: د بلوڅو وروڼو قوم تل د هېواد د نورو درنو قومونو په څېر له سرحداتو ساتنه، له نظام او امنیتي ځواکونو څخه بشپړ ملاتړ کړی او موږ مو قدرداني کوو، دغه راز یې دوی ته ډاډ ورکړ، چې ستونزې به یې له اړوندو ادارو سره د حل په موخه شریکې کړي.
