افغان ښځې په هېواد کې تلپاتې اوربند او باعزته سوله غواړي!
په هغې غونډه کې، چې له همدې امله نن پنجشنبه د روان کال د لیندۍ میاشتې په ۱۳مه نېټه د وزارت د کنفرانسونو په تالار کې جوړه شوه. د سرحدونو او قبایلو چارو وزیر محترم محب الله صمیم، معینانو، ریسانو، سلاکارانو، د هېواد یو شمېر ښځینه فعالانو، علمي فرهنګي شخصیتونو او د رسنیو استازو ګډون کړۍ و.
په دې غونډه کې د سرحدونو او قبایلو چارو د جرګو او قبایلي چارو د هغږۍ معین د غونډې موخه او اجندا بیان کړه او دغه شان غونډې یې د سولې په پرخه کې اړیني وبللې.
ورپسې د سرحدونو او قبایلو چارو وزیر محترم محب الله صمیم هر اړخیزه وینا وکړه وی ویل: په داسې حال کې، چې په قطر کې د افغان مرکچي پلاوو ترمنځ د سولې خبرې روانې دي خو مخالفین اوس هم د امتیاز د ترلاسه کولو لپاره تاوتریخوالي او جګړې ته دوام ورکوي.
ښاغلی صمیم دغه راز په هېواد کې د داسې سولې د ټينګښت خبره وکړه، چې د افغانانو مادي او معنوي ارزښتونه، د بشر حقوق، د ښځو او اقلیتونو حقوق او د بیان آزادي پکې خوندي وي.
په دې غونډه کې د افغان ښځینه ژورنالستانو د اتحادیې غړې آغلې تهمینې مېرزایي او اغلې حمید هم په خپلو خبرو کې هغو قربانیو ته چې ښځو په تېرو څلویښتو کلونو کې ورکړي اشاره ورکړه وی ویل: چې افغان ښځو ته باید د سولې په خبرو کې زیانه ونډه ورکړل شي او د دوې حقوق پکې خوندي وي.
